 |
2017 јылдыҥ кӱӱк айыныҥ 11-чи кӱнинде Алтай Республиканыҥ ӱредӱ ишчилериниҥ билгирин бийиктедер ле такып профессионал ӱредӱ берер институт Б.Я. Бедюровтыҥ 70 јажына учурлалган алтай тил ле литератураныҥ ӱредӱчилериниҥ ассоциациязыныҥ «Алтайым керегинде сӧс» деп ачык јуунын ӧткӱрди. Јуунда Б. Я. Бедюровтыҥ чӱмделгезин школдо ӱредериниҥ ченемели ле сурактары кӧрӱлди. Ачык јуунда 30-таҥ ажыра ӱредӱчилер, институттыҥ ишчилери, Алтай Республиканыҥ Бичиичилер биригӱзиниҥ турчылары, культураныҥ ишчилери турушты. Алтай албатыныҥ бичиичизи, јарлу поэди, тюрколог, јондык ишчизи Б. Я. Бедюровтыҥ јӱрӱми ле јайаандык јолы керегинде 20-деҥ ажыра јетирӱлер эдилген. Јетирӱлерде Б.Я. Бедюровтыҥ чӱмдемелдери, кӧчӱрме иштери, јар куучындарыныҥ, бичиктериниҥ учуры, эмдиги ӧйдӧ чӱмдемелдерин школдо ӱренери тереҥжиде шиҥделди. Поэт чӱмдемелдеринде алтай албатыныҥ чӱм-јаҥдарын, Алтайы, албатызы керегинде сӧсти телекей кемине јарлаганы темдектелди. Оҥдой, Кан-Оозы, Улаган, Шабалин, Майма аймактардыҥ ла Горно-Алтайск каланыҥ ӱредӱчилери ачык јуунда эрчимдӱ туруштылар. М. В. Чевалковтыҥ адыла адалган библиотеканыҥ ишчилери белетеген кӧрӱ-выставка солун болды. Туружаачылар Бронтой Янговичти толгон јажыла изӱ уткып, бек су-кадык, јайаандык ижинде бийик једимдер, албаты ортодо тоомјызы улалзын деп акту јӱрегинеҥ кӱӱнзедилер. |
«Алтай тил ле литератураныҥ ӱредӱчизи - 2017» деп республикан конкурс-маргаан ӧтти
 |
2017 јылдыҥ тулаан айыныҥ 13-17 кӱндеринде Кан-Оозы аймактыҥ Экинур јуртыныҥ орто текши ӱредӱлӱ школында «Алтай тил ле литератураныҥ ӱредӱчизи - 2017» деп республикан конкурс-маргаан ӧтти. Конкурста туружар кӱӱнин сегис ӱредӱчи угускан: Бибиева Марина Алексеевна, Оҥдой аймактагы Боочыныҥ орто ӱредӱлӱ школыныҥ алтай тил ле литератураныҥ ӱредӱчизи; Ертакова Сурая Васильевна, Шабалин аймакта М.В. Карамаевтиҥ адыла адалган Акјолдыҥ тӧс текши ӱредӱлӱ школыныҥ алтай тил ле литератураныҥ ӱредӱчизи; Санина Наталья Николаевна, Улаган аймактагы Улаганныҥ орто ӱредӱлӱ школыныҥ алтай тил ле литератураныҥ ӱредӱчизи; Тайлунова Венера Михайловна, Кош-Агаш аймактагы Ташантаныҥ тӧс текши ӱредӱлӱ школыныҥ алтай тил ле литератураныҥ ӱредӱчизи; Чендекова Анжела Борисовна, В.К. Плакастыҥ адыла адалган республикан гимназиязыныҥ алтай тил ле литератураныҥ ӱредӱчизи; Тактаева Оксана Витальевна, Кан-Оозыныҥ орто ӱредӱлӱ школыныҥ баштамы класстардыҥ ӱредӱчизи; Темдекова Любовь Юрьевна, Улаган аймактагы Саратанныҥ орто ӱредӱлӱ школыныҥ алтай тил ле литератураныҥ ӱредӱчизи; Яимова Алла Владимировна, Горно-Алтайск каланыҥ 7 таҥмалу орто ӱредӱлӱ школыныҥ баштамы класстардыҥ ӱредӱчизи. |
Итоги заочного конкурса «Лучшая презентация к уроку», посвященном 80-летию алтайского писателя Б.У. Укачина, 150-летию писателя, сказителя Н.У. Улагашева
Конкурс «Лучшая презентация к уроку», посвященном 80-летию алтайского писателя Б.У. Укачина, 150-летию писателя, сказителя Н.У. Улагашева проводился с 3 октября по 20 ноября 2016 года. В конкурсе приняли участие 22 учителя образовательных организаций Республики Алтай. Всего было представлено 20 работ.
Активно приняли участие учителя алтайского языка и литературы, русского языка и литературы, казахского языка и литературы, истории и обществознания, начальных классов Усть-Канского района (7 чел.), Кош-Агачского района (3 чел.), Онгудайского района (2 чел.), Шебалинского района (2 чел.), Улаганского района (5 чел.), Турочакского района (2 чел.), Чемальского района (1 чел.)
Јаҥар айдыҥ 1 кӱнинде Алтай Республиканыҥ ÿредÿ ишчилериниҥ билгирин бийиктедер ле такып профессионал ÿредÿ берер институтта алтай тил ле литератураныҥ ӱредӱчилериниҥ биригӱзиниҥ јууны ӧтти. Јуунды ректордыҥ ордынчызы болуп иштеп турган Екатерина Дмитриевна Чандыева ачып, Москва калада Тӧрӧл тилдиҥ ӱредӱчилери ортодо Текшироссиялык мастер-класстыҥ јеҥӱчили болуп чыккан Баграшева Юлия Карандашевнаны уткыды. Анайып, биригӱниҥ јуунында ӱредӱчилер Республикан классический лицейдиҥ алтай тил ле литератураныҥ ӱредӱчизиле Юлия Карандашевнала туштажып, куучынын уккан. Онойдо ок бу конкурста туружып, јеҥӱчил болгон Чербыкова Ырыс Чолтоевнаныҥ, Яконур јурттыҥ орто ӱредӱлӱ школыныҥ баштамы класстардыҥ ӱредӱчизиниҥ ижи аайынча јол-јорыкка кожо јӱрген Татьяна Армисовна јетирӱ этти. Ӱредӱчилер бу јаан једимдерге јеткенин куучындап, конкурска канайда белетенери керегинде куучындагандар.
Страница 13 из 14